أخر التدوينات

ازاي تمنع فايرس Ransomware او WannaCry من اختراقك .

فايرس ransomware او WannaCry  اللي بيشفر البيانات وعامل قلبان في العالم ده بيستغل ثغره في نظام ويندوز اسمها MS17-010 .. فلو عاوز تحمي نفسك لازم تقفل الثغرة دي عن طريق الدخول علي Programs and Features من الـ Control Panel .. وبعدين في القائمة الجانبية تضغط علي Click Turn Windows features on or off .. بعدها هتظهرلك شاشة خيارات .. تدور علي SMB 1.0/CIFS File Sharing Support .. لو لقيت جمبها علامة صح الغيها فورا واضغط ok وبعدها تعمل restart او …

أكمل القراءة »

لا يستحقون عناء الرد !!

المؤرخ والعلامه الفذ يوسف زيدان طلع بياخد معلوماته التاريخيه من قصص الافلام الامريكيه وبدليل ان قصة اسر اخت صلاح الدين اللي ظهرت بس في فيلم مملكة الجنه ملهاش اي اثر في اي كتاب او مرجع تاريخي محترم .. ومش هرد علي اهانته لصلاح الدين الايوبي لان شخصية مثل زيدان بعد وفاته لن يتذكره سوي الدود الذي سيلتهم جسده اما صلاح الدين فسيظل رمزا وقائدا واماما رغم انف كل حاقد الي يوم الدين .

أكمل القراءة »

غياب العدل

في غياب العدل لا تنتظر ان يكون لدمك او مالك او عرضك قيمة .. قتل الكثير في الماضي ويقتل اليوم وسيقتل غدا .. سنظل نبكي علي اطلال دوله ورائحة الدماء تسد الانوف طالما ان هناك من استساغ الكذب ووجد الف مبرر لتبرير فشله وكذبه ووجد ايضا من يصفق له ببلاهة .

أكمل القراءة »

القرف علي اصوله !!

حاجه تغيظ وتجيب الضغط بصراحه .. واحد بيعرض فكره اكتر من رائعه وغير مسبوقه وهتحل مشاكل كتير وخصوصا استغلال شركات الاتصالات وهيمسح حاجه اسمها roaming او تجوال بأستيكة لكن شلة القرف اللي مسميين نفسهم خبراء حاجه تخلي الواحد يرجع .. تقريبا ولا واحد فيهم اساسا بيفهم في التكنولوجيا ولا حتي عارف الراجل بيتكلم عن ايه .. والظريف الأخ اللي بيقول سوقك محدود !!!!! والا التاني اللي بيتكلم عن القانونية .. مين دول ؟؟؟؟.. الراجل اللي بيعرض الفكرة فردة شرابه بس …

أكمل القراءة »

الأدب فضلوه علي العلم

اسوأ مثل سمعته في حايتي ” الأدب فضلوه علي العلم ” والاغرب ان اغلب الناس مقتنعه بيه .. طيب .. عمرك شفت عالم واحد مهزق مثلا او غير محترم .. عمرك شفت طالب شاطر كده ولقيته بلطجي !!! .. سيبك من ده .. سمعت الآيه ” إِنَّمَا يَخْشَى اللَّهَ مِنْ عِبَادِهِ الْعُلَمَاءُ ” .. اقراها كويس وعيدها كذا مره .. الآيه دي ليها تفسيرات كتير بس خلينا في المهم .. هو ارتباط كلمة الخشية مع العلم .. وده معناه ان …

أكمل القراءة »

اذا اكرمت اللئيم

عندما قال المتنبي في احد ابياته ” اذا اكرمت الكريم ملكته واذا اكرمت اللئيم تمردا ” يبدو انه قد عاني الامرين مع اغلب البشر .. والواقع ان هذه النوعيه اللئيمه حاليا عندما تتعامل معها بنيه صادقه وصافيه وتتغاضي عن بعض اخطائها يظن بسذاجه ان هذا نوع من انواع الضعف ويصبح التمادي والمغالاة في الكذب احد سماتهم لدرجة انهم يصدقون انفسهم معتقدين بنوع من التخلف المتناهي ان صمتك هو جزء من شخصيتك متناسي ان تربيتك واخلاقك هي من كانت تعف نفسها …

أكمل القراءة »

استفزاز

واحد بيقولي انت مبتسمعش لاحمد ناصر ومعتز مطر ليه ؟؟ السؤال استفزني بصراحه .. هو ايه علاقة انك تكون معارض للنظام وانك لازم تسمع ناس معينه .. والاجابه من الاخر .. الناس دي والقنوات اللي بيظهروا فيها كلها علي بعض متدخلش دماغي بتلاته تعريفه .. عارف ليه .. لانهم نفس عينه اعلام النظام .. بس الفرق انهم حاليا مغضوب عليهم فعشان كده عاملين فيها شهداء الاعلام والحق ولو الفرصه جتلهم والمعسكر بتاعهم مسك الحكم هيبقوا اوسخ من الاعلام الحالي .. …

أكمل القراءة »

سائق التوكتوك

واحد صرخ وزعلان علي حال بلده وكلامه كله ان يشوف بلده نضيفه .. ناس طلعت تقول عليه مأجور وكذاب .. يا سبحان الله .. البلد بقت خرابه فعلا وباين كده من كتر ما انتم عايشين جوه الزباله بقت ريحتها مألوفه وكمان بدأتم تحبوها .. واللي عاوز ينضف الزباله دلوقتي هيتحارب حرفيا .. فعلا .. ان الله لا يغير ما بقوم حتي يغيروا ما بأنفسهم .

أكمل القراءة »

المرارة

الفتره الاخيره بقيت بسمع كتير اوي وبشكل مبالغ فيه جمل من عينة ( انت اتغيرت ليه كده ؟؟ .. لسانك بقي طويل ليه ؟؟ .. ايه اللي جرالك ؟؟ .. انت معدتش انت ؟؟ .. معدش فارق معاك حد ليه ؟؟ ) الخ من الهري المشابه . الاجابه ببساطه : انا زي ما انا علي فكره بس فيه اوبشن صغير كده وديته التوكيل عشان يتصلح وبصراحه مش ناوي ارجعه تاني اللي هو ” المراره ” .. وهي دي اللي كانت …

أكمل القراءة »

الرخص !!

دي صوره لجثث مصريين .. بعض ولاد الكلب وللاسف بردو مصريين معتبرين ان الناس اللي ماتت دي ماتستهلش ويستاهلوا اللي يجرالهم .. اسمع بقي يا ابن ميتين الكلب عشان انتوا عالم ماينفعش معاكم الا اللسان الوسخ .. اللي رمي نفسه في البحر ده هو وعياله كان نفسه بس يبقي بني آدم بسببك وبسبب امثالك اللي اعتبر العبوديه والقهر والذل والظلم وطنيه .. دول اللي كانوا بيهربوا من خلقكم العكره عشان يعرف يعيشوا ويبقوا بشر زي بقيت خلق الله .. لكن …

أكمل القراءة »

شيزوفرينيا

– خناقة بين اتنين من اصدقائي عن ايهما اصح شرعا كشف الوجه ام الالتزام بالنقاب !!! اثناء الخناقه مرت سيده ترتدي زيا فضفاضا للغايه بالاضافة الي النقاب فقطعا حديثهما المليء بالحجج الفقهيه فجأه وقال احدهما للأخر : شايف الوحش اللي معدي ده .. فرد الاخر : صاروخ يا معلم !!!! – مع انني في الغالب احمل المرأه مسؤولية اعطاء الدافع للتحرش بها ولكن في الواقع الفعلي اننا كرجال وعلي الرغم من حرصنا علي ان تكون نساؤنا في اكثر مراحل الاحتشام …

أكمل القراءة »

العقلية البتنجانية

من العجائب انك لما تكلم بعض العقليات وتقولهم ان ظباط الجيش لا يصلحوا للمناصب الادارية والعلميه في الدوله تلاقيه اتنطط وقعد يقولك فيما معناه ان الجيش بيفهم في كل حاجه .. لكن لو قلتله ان واحد مدني يبقي وزير دفاع مثلا فجأه تلاقي عقله عكس كل المنطق بتاعه ورد يقولك ماينفعش .. ويبدأ يتفنن في ابداء الاسباب واللي هيا نفس الاسباب اللي انا كنت بعترض عليها في المثال الاول .. سبحان الله فعلا .. خرجنا فعلا من تخريف الاخوان ورشقنا …

أكمل القراءة »

شوف حكمة ربنا يا مؤمن !!!

باختصار .. مادام عندك القدره انك توفر سلعه من خلال الجيش تقدر توفرها برده من خلال وزارة التموين .. وطبعا المفترض ان معاليك مسؤول عن الوزارتين لكن شوف حكمة ربنا يا مؤمن !!! فجأه تخلي الوزاره صاحبة الاختصاص فاشله ووزراه تانيه مالهاش علاقه اساسا بتوفير مواد غذائيه هي اللي توفره .. تبقي الحكايه كده مقصوده يا كبير عشان تفضل الناس تسبح بحمد وزارة الدفاع .. واي واحد عنده شوية منطق هيفهم ان الحكايه كلها عباره عن تدمير لاي فكر مدني …

أكمل القراءة »

فن تشويه الاسلام !

وجدي غنيم سأظل اعتبره كلب من الكلاب التي ابتلانا الله بها ونموذج صارخ لرجل اتاه علما دينيا وفقهيا كبيرا فسلط الله عليه الكبر والغرور والعجرفة والهوى واصبح يتصرف وكأنه يمتلك رخصة التكفير لمن يشاء ممن لا يتفق معهم .. امثاله لا يختلفون شيئا عن المدعو احمد نصر (الشيخ ميزو) او اسلام البحيري واشباههم .. كلهم شوهوا الاسلام .. كلهم جعلونا في الحضيض .

أكمل القراءة »

الجيل الفاشل

بيقولوا علي الجيل بتاعنا انه فاشل واهبل ومغيب ومبيفهمش وكمان احيانا مش متربي .. تمام .. هحاول أتفق معاك .. بس مش ملاحظ جنابك ان الجيل ده تربية الجيل بتاعكم .. ولا ايه ؟؟ .. يا اما احنا نزلنالكم من الفضاء الخارجي علي سهوه او انكم مبتعرفوش تربوا سعادتك 🙂 وفي كلا الحالتين انتم كده بتثبتوا انكم اللي فشله .

أكمل القراءة »