رأيي معروف مسبقا طول عمري كنت ولازلت ضد فض اعتصام رابعه وضد اراقه اي دم اي كان مبرره او سببه طالما كان هناك امكانيه لحقنه .. لكن البشوات اللي ماشيين يولعوا في المنشآت ويقطعوا في الطرق دلوقتي عاوزين يثبتوا ايه بالظبط ؟؟ .. يعني من الآخر اللي كان شاكك انهم ارهابيين بيقولولوا دلوقتي اتأكد احنا فعلا ارهابيين !!! .. مش كفايه كنتم افشل خلق الله ايام فترة الحكم وكمان عاوزين تبقوا افشل خلق الله في استرداد الحقوق !! ..
علي فكره مفيش فرق بين مرسي والسيسي في حاجه ومحدش فيهم عمل حاجه غير شوية كلام وبروباجندا في الإعلام من غير اي تغيير ملموس يحس بيه الناس بل بالعكس الأوضاع في زمن السيسي اسوأ حتي الأن .. لكن الفرق ان مرسي كان مكرّه البشريه فيه وكان اهبل وساذج !! اما السيسي بيعرف ينفخك وانت مبسوط ومتكيف وده مش حاجه حلوه لكن في حد ذاته يعتبر ذكاء !!! ..
هتسألني تفضل مين فيهم هقلك الإتنين انيل من بعض .. بس للأسف ومش عارف ليه !!! عندي بصيص امل ضعيف جدااااا في السيسي ممكن يخليني اغير رأيي فيه بشرط ان الحقايق تكون واضحه وضوح الشمس ولا تحتمل اللبس بالنسبالي .. اما بالنسبه لمرسي كان مخلينا حاذفين كلمة ( امل ) من معجم اللغه !!!