مدونة وهاب مصطفي عبدالوهاب
دلوقتي اللي عاوز يقنع اي حد بوجهة نظره لازم يشتم ويشوه وجهة نظر التاني وممكن يتهمه بالخيانه والعماله وبعد كده يبتسم بثقه ويسأل الشخص اللي لسه ماسح بكرامته الأرض من ثواني .. اقتنعت ؟؟
سؤال للأخ اللي مبيعرفش غير الشتيمه .. مين الأهبل ابن الأهبل اللي فهمك ان الشتيمه والسفاله بتقنع حد ؟؟ ده لو حد فعلا اقتنع بكلامك هيعند قدامك عشان سفالة لسانك وجايز يقتنع اكتر بوجهة نظره حتي لو غلط .. ده عشان سيادتك من الواضح جدا انك اتربيت غلط .. وياريت تخرجوا المبادئ بتاعت الإسلام او الوطنيه من جملكم المفيده .. لأن لا المسلم الحقيقي او الوطني اللي بجد لسانه طويل وعمر ما هتكون اخلاقه زي البشوات اللي فاكرين الشتيمه والسفاله موضه او وسيله للتعبير عن الحق .. ده لو عنده حق اصلا ..
من الآخر .. الحق مش محتاج سفاله تدافع عنه .
