الولاء

egypt-flag-1فيه ناس كتير بتحاول تفهم دماغي .. شويه فاكرين اني ليبرالي وشوية تانيين فاكريين اني اسلامي متشدد !!! والمصيبه ان فيه ناس تانيه فاكره اني اخوان .. ونفس الشخص اللي قال عليا اخوان بيقول دلوقتي اني علماني مع اني متأكد انه مش فاهم معني علمانيه ايه اساسا !!! .

من الآخر محدش هيجبرني امشي علي المعتقد بتاعه مهما حاول يقنعني .

ولائي الأول للإسلام وولائي الثاني لوطني مصر .

اللي فاكر بأه معني الكلام ده اني هحارب بلدي عشان انصر الإسلام يبقي متخلف عقليا .. لأن ولائي للإسلام هوه اللي مخليني مستعد اموت عشان تراب بلدي حتي ولو كان الحكام مش ماشيين بالشريعه الإسلاميه السليمه .. مش هكون ابدا مشارك في فتنه عشان انصر مجموعه علي مجموعه تانيه .

بإختصار حفاظي علي بلدي مهما كان التمن هو حفاظي علي ديني .. ومش ذنبي انك فاهم الدين بالمشألب .. وياريت تخرجوا كلمة الإسلام والدين من كل جمله مفيده .. لانكم شوهتوا الإسلام بما فيه الكفايه ولو فيه عدو عاوز يدمر الإسلام مش هيعرف يعمل اكتر من اللي انتم بتعملوه !!!!

انا ( مسلم مصري ) ولي الفخر .. ومحدش هيقدر يقدر يخليني افصل الكلمتين دول عن بعض .. او اغير في ترتيبهم .. او يفكر يخليني احارب حد في سبيل كلمة منهم علي حساب التانيه .. لأني كده هخسرهم الإتنين !!!

اظن كلامي واضح .

عن مصطفي عبدالوهاب

مصمم ومطور مواقع الإنترنت .. أهوي التدوين التقني والأدبي

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *