الرئيسية / ع الماشي / مردتش عليهم وخرجت !!

مردتش عليهم وخرجت !!

Confused-guy2كنت قاعد مع اتنين اصحابي واحد منهم سيساوي درجه اولي والتاني مش اخواني بس متعاطف معاهم .. وكالعاده كنت مستمتع بنقاشهم وهما قاعدين يقطعوا في بعض وكل واحد فيهم مقتنع تماما انه هوه اللي علي حق ووصلت حدة النقاش ان الأولاني بدأ يتهم التاني انه عميل !!!! .. طبعا اتصدمت انا من الإتهام ده لأنهم ساكنين مع بعض بقالهم 5 سنين وشغالين في نفس الشركه بالرياض .. وعلي ما فقت انا من الإتهام ده لقيت التاني بيرد علي الأولاني بأنه بيكره الإسلام وضده !!!! مع العلم ان الأولاني ده هو اكتر واحد فينا حافظ للقرآن و دائما بيكون الإمام بتاعنا لما بنصلي جماعه !!!!!

المهم كانوا مستغربين اني مدخلتش في النقاش كالعاده لأني من النوع اللي مبعرفش اسكت وكان غريب اني ابقي ساكت .. مردتش عليهم وخرجت !!!

من الآخر كده احنا شعوب بيتلعب بيها بينج بونج وكل واحد عامل فيها ابوالعريف في الآخر هياخد علي قفاه لان كلنا لا عارفين حقايق ولا شايفين اي واقع وسايبين شوية مرضي بيتخانقوا علي الحكم وبس وولا واحد فيهم اساسا يهمه مصلحه بلد او شعب .. يعني من الآخر مالوش لازمه نحرق دمنا مادام بايظه بايظه !!

اللي عاوز يشتم يتفضل  .. مع الأخذ بالإعتبار ان عندي لسان ابن ……….. ( اللهم اني صائم )

عن مصطفي عبدالوهاب

مصمم ومطور مواقع الإنترنت .. أهوي التدوين التقني والأدبي

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *