الرئيسية / ع الماشي / نوعين من البشر

نوعين من البشر

maxresdefaul2t

فيه نوعين من البشر

نوع ممكن يبيع نفسه عشانك
ونوع تاني مستعد يبيعك عشان نفسه ..
لو حظك حلو هيبقي ربنا كرمك بالنوع الاول .. وساعتها اوعي تفرط فيه حتي لو الدنيا كلها ضدك .
اما بقي لو ربنا بلاك بالنوع التاني .. متزعلش نفسك ابدا .. لان الحسبه بسيطه .. شوف سعرك كام عنده وبناءا عليه حط سعره .. شوف هو بيفكر فيك ازاي وفكر زيه .. شوف هو بيقدرك ازاي وبعدها حط تقديرك .. ولو عاوز تعرف هو انه نوع من البشر شوف بالظبط هو امته بيكلمك وامتي بيحتاجك هتعرف بالظبط هو عاوز منك ايه .. واول ما تبعد عنه وتبطل تسأل هتلاقي الغل كله ركبه وهتلاقي مليون شتيمه ومش بعيد تلاقي سيرتك علي كل لسان .. لانه بني علاقته معاك اساسا بالكذب وهيفضل يدورلك كل يوم علي غلطه او اي حاجه يبينلك فيها انك غلطان في حقه عشان يعرف يتملكك اكتر واكتر ولو يأس منك ممكن تسمع منه احقر كلام علي وجه الارض وهيستني يبيعك ازاي او ينتقم منك ازاي وفي جميع الاحوال هتبقي غلطان قدامه .. عملت او معملتش النتيجه واحده لانه مبيشفش غير نفسه وبس .. اهم حاجه متضحكش علي نفسك كتير وتحط امل في ناس اللي جواهم عباره عن خرابه.. النوع ده ابعد عنه بكل وسيله ممكنه او غير ممكنه حتي لو هتخسر كل حاجه ولو حتي وصلت انك تموت في سبيل ده وصدقني انت الكسبان حتي لو مش فاضلك غير دقيقه تعيشها وبعدها هتخش القبر .. عارف هتكسب ايه .. هتكسب نفسك.

عن مصطفي عبدالوهاب

مصمم ومطور مواقع الإنترنت .. أهوي التدوين التقني والأدبي

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *