الديلي ميل والصاروخ !!!!!

الديلي ميل بتقول ان احد طائراتها تعرضت لهجوم صاروخ فوق شرم الشيخ ؟
مجموعة اسئلة محتاجه اجابه :
– في الخبر ان الحادثه دي من شهرين .. طب ليه دلوقتي تم نشر الخبر ؟؟
– الطيار تفادي صاروخ : انا محتاج واحد في مجال الطيران يفهمني قدرة الطيارات المدنيه في تفادي الصواريخ ؟
– محدش من الركاب حس بموضوع الصاروخ : طب الطيار مال بالطيارة عشان يتفادي الصاروخ ومافيش حد من الركاب لاحظ ميل الطياره اللي اكيد كان مفاجئ ولا حتي سأل نفسه ايه اللي حصل ؟؟!!!
– مرضيوش يبلغوا الركاب باللي حصل عشان يخليهم يستمتعوا بالأجازه !!!!
– بعد شهرين من الحادث اكتشفوا فجأه انهم خايفين علي المواطنين البريطانين بعد حادثة الطياره الروسيه اللي لحد دلوقتي مافيش تأكيد رسمي علي انها عمليه ارهابيه ؟؟ .. ده علي اساس انهم كانوا متأكدين بس شاكين في نفس الوقت !!!!