مدونة وهاب مصطفي عبدالوهاب
نقطه من اول السطر .
الجعان عمره ماهيقدر يبني وطن !!!
سؤال : هات دوله واحده شعبها بيعاني من الجوع وبعد كده اصبحت دوله متقدمه .
المشكله ان فيه ناس مش قادره تدرك ان الأنسان لازم يتبني الاول عشان تقدر تخليه عنده المقدره انه يبني اي حاجه !!!!
للناس اللي بتقري تاريخ : لما حصلت المجاعه ايام عمر بن الخطاب مرحش خطب في الناس وقلهم لازم نستحمل الجوع عشان الخلافه متنهرش .. بالعكس .. اول حاجه كان محرم علي نفسه الأكل تقريبا ومكنش بياكل غير الخبز والزيت وكان بيربط علي بطنه حجر حتي ان فيه بعض الروايات بتقول ان لونه عمر بن الخطاب اتغير من الابيض للون الاسمر من شدة الجوع .. لدرجة ان الناس كانت بتدعي ربنا ان المجاعه تنتهي مش عشان خاطرهم خالص .. بس عشان امير المؤمنين ياكل !!!
طبعا واحد هيقول .. يا عم ايه اللي انت بتقوله ده .. ده عمر بن الخطاب.
صحيح .. عندك حق .. ايش جاب لجاب !!
