استفزاز

واحد بيقولي انت مبتسمعش لاحمد ناصر ومعتز مطر ليه ؟؟
السؤال استفزني بصراحه .. هو ايه علاقة انك تكون معارض للنظام وانك لازم تسمع ناس معينه .. والاجابه من الاخر .. الناس دي والقنوات اللي بيظهروا فيها كلها علي بعض متدخلش دماغي بتلاته تعريفه .. عارف ليه .. لانهم نفس عينه اعلام النظام .. بس الفرق انهم حاليا مغضوب عليهم فعشان كده عاملين فيها شهداء الاعلام والحق ولو الفرصه جتلهم والمعسكر بتاعهم مسك الحكم هيبقوا اوسخ من الاعلام الحالي .. الحكايه تبادل ادوار مش اكتر .. لكن استغلال عواطف الناس ده لعبه رخيصه وبقت مفضوحه وممله ..
انت حر واسمع اللي انت عاوز تسمعه لكن مش هتفرض عليا حد معين علي فكره ..
زهقنا من دوامه الفريقين دي .. يا اما تبقي مع النظام فانت سيساوي او ضده فتبقي اخوان .
واذا كانت كلمة اني مصري واني انتمي للبلد دي بس مش مكفياك وبنعارض النظام عشان مبادئ المساواه والحق والعدل هي اللي تسود من غير انتماءات وتطرف فكري وغضبنا بيكون عشان انك تفهم مبادئ الانسانيه فعلا وانك تربطلي الدين في اطار جماعه او تيار معين فروح شوفلك اي بلاعه وارمي نفسك فيها .