العند !

– أنا : العند هو افضل وسيله لتدمير الذات
– صديقي : طب هو انت مش عندي بردو ولا ايه ؟؟
– انا : اكيد .. ده انا تقريبا اللي اخترعت كلمة عند .
– صديقي : امال بتقولي الكلام ده ليه ؟؟
– أنا : عشان احنا بننصح بس لكن مبنطبقش ده علي نفسنا !!!!
– صديقي : ما انا كده مش هسمع نصيحتك .
– انا : وهو ده المطلوب !!!!!!!!!!
– صديقي : مش فاهمك .
– أنا : ولا هتفهم .. لأن اللي عاوز يغير حاجه بيغيرها جواه الاول والنصيحه عمرها مهتغيره .
– صديقي : يعني كده انت بتنصحني افضل مستمر في العند ؟؟
– انا : هو ده اللي فهمته ؟؟
– صديقي : ايوه .
– انا : برافو .. بالظبط كده .
– صديقي : غريبه .
– انا : مش غريبه ولا حاجه .. انت جاي تسأل واحد عنده نفس مشكلتك عشان تسمع الرد اللي يريحك وتفضل عايش باسلوب غلط بس بضمير مستريح .
– صديقي : انت لخبطني .
– أنا : اول جمله قلتهالك ( العند هو افضل وسيله لتدمير الذات ) عباره عن جمله واضحه جدا ومتحتملش اكتر من معني عشان تقعد تسأل كمية الاسئله اللي بتسألها دي وده معناه انك بتدور علي مبرر للعند والخلاص .. فانا حبيت اريحك .
صديقي : اممممممممممممممممممممم
انا : فهمت .
صديقي : لسه !!!!!!!!!!!!

عن مصطفي عبدالوهاب

مصمم ومطور مواقع الإنترنت .. أهوي التدوين التقني والأدبي

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *