شوف حكمة ربنا يا مؤمن !!!

باختصار .. مادام عندك القدره انك توفر سلعه من خلال الجيش تقدر توفرها برده من خلال وزارة التموين .. وطبعا المفترض ان معاليك مسؤول عن الوزارتين لكن شوف حكمة ربنا يا مؤمن !!! فجأه تخلي الوزاره صاحبة الاختصاص فاشله ووزراه تانيه مالهاش علاقه اساسا بتوفير مواد غذائيه هي اللي توفره .. تبقي الحكايه كده مقصوده يا كبير عشان تفضل الناس تسبح بحمد وزارة الدفاع .. واي واحد عنده شوية منطق هيفهم ان الحكايه كلها عباره عن تدمير لاي فكر مدني او مؤسسي في الدوله والسياسه الحاليه هي تحويل مصر لثكنه عسكريه .. ليه بقي .. اقولك .. عشان لما حد يقولك ان رئيس الدوله يبقي مدني بعد كده اقعد ازلك وافكرك كل شويه بفشل كل المؤسسات المدنيه وكمية الفساد اللي فيها وان الجيش بس هو اللي يقدر بس يعمل كل حاجه وان لولاه كان زمانك ميت من الجوع .. نقوم احنا نعمل ايه بقي .. نسقف ونهلل ونطبل ونقول ما ينفعش الدوله دي يمسكها غير رجل عسكري وتفضل السلطه بس في ايد مين ؟؟ .. فهمت ولا لسه .. اظن انك فهمت ؟؟ .. لا معتقدش !!! .. لانك لو كنت بتفهم كنت شفت الحقيقه من زمان .