مدونة وهاب مصطفي عبدالوهاب

نقطه من اول السطر . الجعان عمره ماهيقدر يبني وطن !!! سؤال : هات دوله واحده شعبها بيعاني من الجوع وبعد كده اصبحت دوله متقدمه . المشكله ان فيه ناس مش قادره تدرك ان الأنسان لازم يتبني الاول عشان تقدر تخليه عنده المقدره انه يبني اي حاجه !!!! للناس اللي بتقري تاريخ : لما حصلت المجاعه ايام عمر بن الخطاب مرحش خطب في الناس وقلهم لازم نستحمل الجوع عشان الخلافه متنهرش .. بالعكس .. اول حاجه كان محرم علي نفسه …

شيء واحد فقط لايستطيع الانسان التفريط فيه !!! .. فكل الخسائر تهون مهما كان تأثيرها قويا او مريعا او مدمرا لك .. الكرامه فقط هي من تجعلك انسانا.

هيا الناس مستغربه ليه ان الدول بتجلي السياح بتوعها من مصر .. دول مش مصريين يا جماعه .. يعني ليهم سعر وتمن في بلادهم !!! .. معلش انا مقدر موقفك .. اصلك مش متعود علي كده !!!

الديلي ميل بتقول ان احد طائراتها تعرضت لهجوم صاروخ فوق شرم الشيخ ؟ مجموعة اسئلة محتاجه اجابه : – في الخبر ان الحادثه دي من شهرين .. طب ليه دلوقتي تم نشر الخبر ؟؟ – الطيار تفادي صاروخ : انا محتاج واحد في مجال الطيران يفهمني قدرة الطيارات المدنيه في تفادي الصواريخ ؟ – محدش من الركاب حس بموضوع الصاروخ : طب الطيار مال بالطيارة عشان يتفادي الصاروخ ومافيش حد من الركاب لاحظ ميل الطياره اللي اكيد كان مفاجئ ولا …

ننتقد آه ونحارب الفساد والفشل يبقي تمام .. لكن توصل ان بعض الناس عاوزه تطالب بتدخل دولي عسكري في سيناء يبقي آسف يا كبير معرفكش انت كده خرجت من مرحله النقد لمرحله واطيه من الانحطاط اللي تخلي الواحد يشك فعلا في نواياك.

ابلع جزمه ومتتكلمش .. ده منطق بعض الناس بحجة ان اللي بيتكلم او بينتقد عاوز يهدم الدوله وطبعا ده من مظاهر الخيانه العظمي والاخونه بالاضافه الي كوكتيل زي العسل من الاتهامات. وياريت علي كده وبس .. يقعد يدعبس صبح وليل ويدور علي النماذج الفاشله في جميع انحاء العالم عشان يقعد يقول بص يا عم مش احنا بس اللي كده !! اقرب مثال علي ذلك مثلا موضوع غرق المدن المصريه بسبب الامطار .. منزلين صور لمدن اوروبيه وامريكيه غرقانه عشان يقولك …

مبنتعلمش ببلاش .. ليه .. عشان كل غلط في حياتنا بيكون ليه تمن غالي جدا بندفعه اما ماديا او معنويا !! .. بالنسبه للماديا صحيح بتوجع الخساره لكن في الاخر الارزاق بتكون بيد الخالق عشان كده سهل تقف علي رجلك وتعوض .. لكن لما تكون الخساره معنويه او نفسيه وتكون بسبب شخص او انسان معين وخصوصا لما تكون حاطه في مكانه مايستهلهاش ويكون الكذب والخداع في دمه ويبقي فاكرك اهبل ومش عارف.. بيكون الموضوع اصعب ومش سهل تحمله نفسيا .. …

اخونا اللي مات في الكويت الله يرحمك ويصبر اهلك . للاسف حقك ضاع بس عشان انت مصري .. وعشان احنا عباره عن مجرد رقم ولا شيء اخر. كلمة ان دم المصري رخيص لم تعد واقعيه .. لان معناها ان ليه ثمن بردو بس قليل !! الحقيقه ان مالوش تمن اساسا . انتم السابقون ونحن اللاحقون .

الخارجيه تدعي ان التصويت لصالح اسرائيل كان لدعم دول عربيه !!! للأخوه اساتذة التبرير .. هسألك سؤال : هل نتيجة التصويت مصر بالايجاب افاد اي احد من الدول العربيه ؟؟ .. بلاش دي .. هل فيه دوله عربيه واحده صوتت لصالح اسرائيل ؟؟ بلاش دي كمان .. هل لو مصر رفضت او امتنعت عن التصويت كانت النتيجه اتأثرت بأي شكل من الأشكال ؟؟ برر يا حبيبي انت وهو .. ومتنساش تبرز العبقريه والحكمه في اتخاذ القرار .. ومتنساش بردو تتهمني …

بررتوا الكدب والظلم والفشل وبلعنا مليون جزمه وبطلنا نتكلم في السياسه .. لكن هتبررلي ان مصر تدي صوتها لصالح اسرائيل في الامم المتحده .. هقلك تجنبني ومتحاولش تتحاور معايا في الموضوع لاني هوريلك الشخصيه الواطيه والسافله والمنحطه اللي مخبيها جوايا وبطلعها بس لامثالك من الحثاله.

فيه نوعين من البشر نوع ممكن يبيع نفسه عشانك ونوع تاني مستعد يبيعك عشان نفسه .. لو حظك حلو هيبقي ربنا كرمك بالنوع الاول .. وساعتها اوعي تفرط فيه حتي لو الدنيا كلها ضدك . اما بقي لو ربنا بلاك بالنوع التاني .. متزعلش نفسك ابدا .. لان الحسبه بسيطه .. شوف سعرك كام عنده وبناءا عليه حط سعره .. شوف هو بيفكر فيك ازاي وفكر زيه .. شوف هو بيقدرك ازاي وبعدها حط تقديرك .. ولو عاوز تعرف هو …

تجربة استخدام ويندوز 10 ممتاذه جدا حتي الأن !! .. الأداء متميز وسلس وممتع !! .. اعتقد ان النظام انطلاقة جديدة ومبشرة بالخير لشركة ويندوز.

علي فكره .. انك تكون معارض للنظام ده مش عيب ابدا .. لكن لما تبقي فرحان لما تلاقي ضحايا من الجيش عشان تحاول تثبت للناس ان وجهة نظرك صح .. ده اسمه انحطاط .

بالنسبه لموضوع تنازل محمد سلطان عن الجنسية المصرية فهو امر لا يعنيني من قريب او من بعيد ولكنه يعطي ظلال مريره لتساؤلات اجاباتها مريعه .. فهل يمكن ان يتنازل شخص عن جنسيته حتي يستطيع الهروب من العقاب ؟ .. فإما ان يكون بريئا وهذا في حد ذاته كارثه حتي يظل في السجن طوال هذه الفتره !!! واما ان يكون مدانا وهذه مصيبه المصائب بأن يتم ترحيله لمجرد تنازله عن الجنسيه وهذا معناه ان اي احد يستطيع فعل ما يشاء في …

شهر ونص تقريبا قاطعت فيه الفيسبوك تماما واخدت القرار انني لن اعود اليه مره أخري وبصراحه اكتشفت العديد من المميزات في كونك بعيدا عن هذا القرف المسمي بالفيسبوك ولكن بعد خبر دبح 21 مصري في ليبيا رغبت في ان اتابع الأخبار وردود الأفعال وبصراحه انا في حالة لا يرثي لها من الإشمئزاز من ما يحدث من ردود أفعال .. للعلم انا من المقتنعين تماما بأن ما حدث في مصر انقلاب كامل بكافة المقاييس مهما حاول البعض ان يجمل الحقيقه ولا …