رأيي معروف مسبقا طول عمري كنت ولازلت ضد فض اعتصام رابعه وضد اراقه اي دم اي كان مبرره او سببه طالما كان هناك امكانيه لحقنه .. لكن البشوات اللي ماشيين يولعوا في المنشآت ويقطعوا في الطرق دلوقتي عاوزين يثبتوا ايه بالظبط ؟؟ .. يعني من الآخر اللي كان شاكك انهم ارهابيين بيقولولوا دلوقتي اتأكد احنا فعلا ارهابيين !!! .. مش كفايه كنتم افشل خلق الله ايام فترة الحكم وكمان عاوزين تبقوا افشل خلق الله في استرداد الحقوق !! .. علي …

دلوقتي اللي عاوز يقنع اي حد بوجهة نظره لازم يشتم ويشوه وجهة نظر التاني وممكن يتهمه بالخيانه والعماله وبعد كده يبتسم بثقه ويسأل الشخص اللي لسه ماسح بكرامته الأرض من ثواني .. اقتنعت ؟؟ سؤال للأخ اللي مبيعرفش غير الشتيمه .. مين الأهبل ابن الأهبل اللي فهمك ان الشتيمه والسفاله بتقنع حد ؟؟ ده لو حد فعلا اقتنع بكلامك هيعند قدامك عشان سفالة لسانك وجايز يقتنع اكتر بوجهة نظره حتي لو غلط .. ده عشان سيادتك من الواضح جدا انك …

بالتأكيد انا متفق معاك اني بكره السيسي ومش طايقه وغير مقتنع نهائيا بأفعاله وقراراته وشايف ان اللي حصل انقلاب ومش ثوره !!! .. لكن الإختلاف بيني وبينك اني بدعي ربنا انه يخيب ظني ويطلع كويس عشان خاطر مصر ومش خايف ان وجهة نظري فيه تطلع غلط .. ياريت اطلع غلطان !!! .. عشان مصر اهم من اختلاف وجهات النظر .

بالتأكيد انا متفق معاك اني بكره السيسي ومش طايقه وغير مقتنع نهائيا بأفعاله وقراراته وشايف ان اللي حصل انقلاب ومش ثوره !!! .. لكن الإختلاف بيني وبينك اني بدعي ربنا انه يخيب ظني ويطلع كويس عشان خاطر مصر ومش خايف ان وجهة نظري فيه تطلع غلط .. ياريت اطلع غلطان !!! .. عشان مصر اهم من اختلاف وجهات النظر .

انت زعلان عشان حماس هي اللي بتحارب اسرائيل دلوقتي ؟!! و كمان مدايق من الناس اللي بتشجع حماس !!!! .. انت عبيط ياض !!! .. ده انا عاوز اتحزم وارقص .. ولو ابولهب نفسه هوه اللي بيحارب اسرائيل هسأفله واطبله كمان .

زلزالين حصلوا في مصر وعادي جداا .. ماشفتش مسؤول واحد او حتي قناة طلعت تتكلم عن احتياطات وقائيه للناس او اي حاجه وكأن الموضوع نكته !!! .. وفيه تحذير خطير عن زلزال مدمر ( يارب ميكونش صحيح ) وبردوا عندنا حكومه ودن من طين وودن من عجين !! .. اخبار نور عنينا ايه يا جماعه ؟؟؟ . معلومة هامة : اثبتت الدراسات البتنجانيه ان الأخوان هما سبب الزلزال واي زلازل اخري بردوا سببها الأخوان عشان هما عاوزين يهزوا استقرار البلد …

كنت قاعد مع اتنين اصحابي واحد منهم سيساوي درجه اولي والتاني مش اخواني بس متعاطف معاهم .. وكالعاده كنت مستمتع بنقاشهم وهما قاعدين يقطعوا في بعض وكل واحد فيهم مقتنع تماما انه هوه اللي علي حق ووصلت حدة النقاش ان الأولاني بدأ يتهم التاني انه عميل !!!! .. طبعا اتصدمت انا من الإتهام ده لأنهم ساكنين مع بعض بقالهم 5 سنين وشغالين في نفس الشركه بالرياض .. وعلي ما فقت انا من الإتهام ده لقيت التاني بيرد علي الأولاني بأنه …

ناس قاعده تبرر ضرب غزه !!! .. مليون حجه بقراها وبسمعها .. لكن فيه تبرير لسه قاريه بيتقال فيه ( غزه وحماس تستاهل عشان هما اخوان ) .. هوه احنا وصلنا للدرجادي !!! .. هل كره الأخوان هيخلينا نسقف لإسرائيل !!! .. انا وصلت لمرحله معدتش بستغرب من اي حاجه لان الدم بقي رخيص من زمان .. هنزعل ليه لما الرجوله والنخوه والشرف يموتوا كمان . لك الله يا غزه فلم يعد هناك رجال .. احنا شاطرين نولول ونصوت بس …

هناك اشخاص مستعدون لأن يفنوا حياتهم لتصديق اكاذيبهم .. لن يهمهم اي شيء سوي ان لا يظهروا بمظهر الكاذب او المدلس امام الناس حتي ولو كانت النتيجه تدمير كل شيء من حولهم .. انهم في الحقيقه اشخاص يستحقون الرثاء !!!!!

جميع العلاقات بين الأشخاص مثل العلاقه بين الرقمين صفر وواحد .. اما ان تختار ان تكون صفرا علي يمين الواحد او علي يساره .. فإن كنت علي اليمين فأنت محظوظ وان كنت علي اليسار فأنت كمن يضرب بفأسه الماء منتظرا منه ان يتشكل .. فلا تنتظر من الماء ان يتغير شكله او بنيانه فأقصي ما تستطيعه ان تحوله الي ثلج لا تستطيع ان تتحمل لمسه اكثر من ثوان معدوده او تحوله الي بخار غير ملموس كالسراب .. لذلك فإعرف موضعك …