المرارة

الفتره الاخيره بقيت بسمع كتير اوي وبشكل مبالغ فيه جمل من عينة ( انت اتغيرت ليه كده ؟؟ .. لسانك بقي طويل ليه ؟؟ .. ايه اللي جرالك ؟؟ .. انت معدتش انت ؟؟ .. معدش فارق معاك حد ليه ؟؟ ) الخ من الهري المشابه .
الاجابه ببساطه : انا زي ما انا علي فكره بس فيه اوبشن صغير كده وديته التوكيل عشان يتصلح وبصراحه مش ناوي ارجعه تاني اللي هو ” المراره ” .. وهي دي اللي كانت بتخليني افوت واطنش واستحمل حاجات لبعض الاشخاص .. وبما اننا وصلنا للمرحله العمريه اللي مش هنعيش فيها قد اللي عيشناه .. فمالوش لازمه بقي نحرق وننكت ونتعب في اعصابنا عشان بعض الشخصيات الزباله اللي مرت في حياتنا واللي لسه بنصادفها للأسف بردو كل يوم .
اللي عاجبه الكلام يبقي حبيبي وصاحبي وكفاءه واللي مش عاجبه يدورله علي اي باكابورت او جردل زباله يرمي نفسه فيه لانه بيتحول فجأه بالنسبالي لحاجه شبه الهوا اوبمعني ادق بيبقي كائن غير مرئي بالنسبالي .
اظن انا جاوبت بوضوح .. ياريت بأه بلاش الأسئله الغبيه دي تاني .. تمام ؟؟؟ وأي حد .. تاني مره .. اي حد .. تالت مره .. اي حد .. يحب يكون الكائن الغير مرئي ده انا تحت امره علي فكره .

عن مصطفي عبدالوهاب

مصمم ومطور مواقع الإنترنت .. أهوي التدوين التقني والأدبي

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *