مدونة وهاب مصطفي عبدالوهاب
– رجاءا بطلوا نشر اي كلام عن التقنيه و الانظمة والبرامج والالعاب وانت مش فاهم حاجه .. بلاش تقعد تنشر اشاعات علي الفاضي عشان للأسف فيه ناس بتصدق وبتفتكر ان فيه مؤامرات كونية ضدهم .. لو سمحتوا اسألوا المتخصصين قبل متنشر اي حاجه .
– ووالله الفيس بوك مش هينشرلك حاجه من دون علمك علي فكره ومش مستني جنابك عشان تحط بوست تعترض فيه علي سياستهم الجديده اللي انت قاعد تنشرها من ناس تقريبا كانت قاعده تحشش بالليل وحبت تألف الكلام ده .. وصدقني لعبة البوكيمون ماهياش مؤامره كونيه عشان تتجسس عليك لان صلاحياتها زي اغلب الصلاحيات اللي موجوده في اقل برنامج بتستخدمه علي تليفونك بالاضافه الي ان اللعبه من تطوير شركه ياباني ومدتش صلاحيات لتحميلها في الشرق الاوسط اساسا واغلب اللي بيلعبوها في مصر منزلينها بأساليب غير رسميه …
– اقلك علي المفاجأه .. تعرف ان اغلب التطبيقات والاستبيانات اللي انت صبح وليل قاعد تعملها عشان يتعرف ان اسم النبي حارسك وصاينك شبه توم كروز ولا لأ او اللي بتعرف مين اكتر واحد بيحبك ولا شخصيتك شبه التنين المجنح ولا العنقاء .. دي بقي اللي يتخاف منها .. صدقني خاف بجد . 
